ابو حيدر الشريفي
03-10-2008, 10:46 AM
يــــاعــــراق الــســكــتــه شـــيـــنـــه
ياعـراق السكتـه شينـه والـحچي المكشـوف يحتـاج الدلـيـل
وانا ادري بيـك كـل گلبـك محنـه وهـذا مـن طبـع الاصيـل
چنـت سـد حمريـن متهـزة العواصـف ولاتحركـه ولا يميـل
وبيك مـن هيبـة علـي وسيـف الفقـار وماوصـل حـدك ذليـل
انت بس اسمك يهـز گلـب الشجاعـة وخورسـت كلمـن يعيـل
انت شلت احمول عجزت منها اهلهـا وشلـت عنهـم كـل ثجيـل
انـت بيـرغ والمنايـا وصـوت حـادي يسوگهـم يـوم الرحيـل
انت چف اليشبع الجوعان من بيوت اهلنـا ويشتفـي بسمـه العليـل
انت گبل النخوة شديت المدافع من انتخت عمـان دوخهـا الصليـل
وتشهد الجولان بكتوبر تحنت مـن بچت نسوانهـا وصـار العويـل
كلها ردت من حمت ذيچ الليالي وانت بس دمك مثل مـاي السبيـل
يامضيف الماغلگ فد يوم بابه وكل عشيـر الدخـل بيتـه مايشيـل
انت بيدر حنطه منذور لعمامه والاخذ چيـل السنـة تزيـده شليـل
وسفه من دارت الدنيا وطغـى الطاغـي وحكـم بديـاري الدخيـل
كلها شالت عنك وخلـوك وحـدك والشماتـه بعينهـم رادوا بديـل
هي محنه والمحن ساعه وتزول ويبقى اسمك علم للـدرب الطويـل
وها ياولادي النشامه الزود بيكم والوطن ينخـى ارضكـم لاتحيـل
وانت انت وتبقى انت وماگو غيرك وباقي بس انت كريم ومو بخيـل
سولف بكل حلگك احچي ولاتدنگ وانا ادري الحچي العندك مو قليل
ياعـراق السكتـه شينـه والـحچي المكشـوف يحتـاج الدلـيـل
ابــــــــو حــــيـــــدر الــشــريــفـــي
ياعـراق السكتـه شينـه والـحچي المكشـوف يحتـاج الدلـيـل
وانا ادري بيـك كـل گلبـك محنـه وهـذا مـن طبـع الاصيـل
چنـت سـد حمريـن متهـزة العواصـف ولاتحركـه ولا يميـل
وبيك مـن هيبـة علـي وسيـف الفقـار وماوصـل حـدك ذليـل
انت بس اسمك يهـز گلـب الشجاعـة وخورسـت كلمـن يعيـل
انت شلت احمول عجزت منها اهلهـا وشلـت عنهـم كـل ثجيـل
انـت بيـرغ والمنايـا وصـوت حـادي يسوگهـم يـوم الرحيـل
انت چف اليشبع الجوعان من بيوت اهلنـا ويشتفـي بسمـه العليـل
انت گبل النخوة شديت المدافع من انتخت عمـان دوخهـا الصليـل
وتشهد الجولان بكتوبر تحنت مـن بچت نسوانهـا وصـار العويـل
كلها ردت من حمت ذيچ الليالي وانت بس دمك مثل مـاي السبيـل
يامضيف الماغلگ فد يوم بابه وكل عشيـر الدخـل بيتـه مايشيـل
انت بيدر حنطه منذور لعمامه والاخذ چيـل السنـة تزيـده شليـل
وسفه من دارت الدنيا وطغـى الطاغـي وحكـم بديـاري الدخيـل
كلها شالت عنك وخلـوك وحـدك والشماتـه بعينهـم رادوا بديـل
هي محنه والمحن ساعه وتزول ويبقى اسمك علم للـدرب الطويـل
وها ياولادي النشامه الزود بيكم والوطن ينخـى ارضكـم لاتحيـل
وانت انت وتبقى انت وماگو غيرك وباقي بس انت كريم ومو بخيـل
سولف بكل حلگك احچي ولاتدنگ وانا ادري الحچي العندك مو قليل
ياعـراق السكتـه شينـه والـحچي المكشـوف يحتـاج الدلـيـل
ابــــــــو حــــيـــــدر الــشــريــفـــي