والله انها لديدة

[بسمة الطفولة]

هاي صبايا اليوم جايبة لكم حلى ولا اطيب تاكلون اصابعكم وراه بمعنى اصح
(تلحسون اصابعكم)وحتى الشباب لايزعلون تقدرو تسوة
نبدي المقادير:
للحجم الوسط 3فنجان ماء
2فنجان زيت
2فنجان سكر
1بيضة
2ملعقة وسط دارسين
المقادير هدة نخلطهم مع بعض في وعاء ونتركهم على جنب
الحين تجيبوا خبز(الصمول)يكتفي بكيس واحد
اكيد كلكم تعرفوة لاتستهبلوا
نقطع الصمول شرائح وسط ونترك بداية الصمولة ونهايتها مانستخدمها
ونغمس الصمول الشرائح في الخلطة الي سويناها قبل بس على خفيف
بحيث ان الصمولة ما تذوب
نصفهم بالصينية بحيث يكونوا شوي على بعض
يعني الشريحة الثانية على نهاية الشريحة الأولى وهكدا
نروح للمقادير الأخرى
2 علبة حليب نستلة (حليب محلى)
12حبة لبنة كيري
نخلطهم مع بعض في الخلاط ونصب الخليط في الصينية على الصمول
ونحط المكسرات الي تعجبنا للتزين
ونصب شكولاتة دايبة للتزين ايضا بشكل خطوط
ونضع الصينية في الفرن مدة تتراوح بين 7 الى 10 دقائق
ونكون سخنا الفرن قبل اكيد
والف الف صحة حبيباتي على قلوبكم
ادعو لي ادا عجبتكم الله يعطيني مرادي
وسلامتكم :D

[الطاهرة]

[فقط الأعضاء المسجلين والمفعلين يمكنهم رؤية الوصلات]
والله أنها مرة لذيذة وتجنن بعد
أنا جربتها
سوتها أمي وبغيت أموت عليها
وأذا كانت باردة بعد تجنن
شهيتيني
بكرة أقول الى أمي تسوي لنا خخخخخ

تسلمي غاليتي
ويعطيش العافية
ويالله تشطري وخلينا نذوقها من يدك خخخ

تحياتي لك
أم الطاهرة

[فقط الأعضاء المسجلين والمفعلين يمكنهم رؤية الوصلات]

[بسمة الطفولة]

هلا خيتو مشكورة على المرور ولا يهمش اكيد باسويها لش

وذكرتيني نسيت نقطة مهمة اكتبها وهي وضعها في الثلاجة

[ملاك الرحمة]

بسوييييها سهلة وايد

مشكورة يالغلا ويعطيج العافية يارب

[عذراء]

يسلمووووا ع الوصفه..

[مَلَك]

مشكوره
يم يم شكلها لذيذه
انشاء الله اسويها

[بنت الطاهرة]

اطبخوا الينا مو بس تنزلوا وصفات
ههههههههههههههههه ابغى اشوف صور خخخخ
كل تجوعوا الناس ولا تاكلوهم
يسلمو على الوصفة ...

[العطاء]

ويش اسم الطبخة..

ليكون اسمها (والله انها لذيذة)

شكلها سهله بس ايهمني الاسم..

[همس الورود]

اني احب اكلها جاهزة من ايدك

تحياتي
همس الورود

[بسمة الطفولة]

ولا يهمكم يجي يوم اجمعكم في مناسبة حلوة ونسويها

اسمها(حلا الخبز بالكاكاو)

[المصونه]

يمي يمي شكلها لذيذ

لكن ما ني مسويتنها

لا في رمضان القادم يعني بعد سنه

تسلمي على الوصفه الشهيه السريعه

[بنت الطاهرة]

يالله ياصبايا وحدة تصير شاطرة
وتطبخها الينا ..,,
اريد اشوف الصورة ,,...