طريقة حلوة تخلي الاطفال يخفو من شقاوتهم

[بلسم جروحي]

سلام خااااااااااااص للجميع ..
موضوع أعجبني حبيت أضعه بين أيديكم لتستفيدو منه.. وان شاء الله ينال على اعجابكم;)
[فقط الأعضاء المسجلين والمفعلين يمكنهم رؤية الوصلات]
طريقه حلوهـ تخلي أطفالكم يسمعوا كلامكم ويخففوا شقاوتهم
خذي الورق الملون اللي ينباع في المكتبات...اختاري اللون اللي يناسب غرفتهم اشتري اكثر من وحدة...وكل ورقة خصصيها لاسبوع...
اشتريتيها خلاص؟؟؟
[فقط الأعضاء المسجلين والمفعلين يمكنهم رؤية الوصلات]
ارسمي عليها جدول بألوان جذابة...أكتبي بالصف العمودي أسماء أطفالك بالترتيب.....وقدام اسم كل واحد حطي ترقيم 1 – 2 – 3 .....7....ع عدد أيام الاسبوع...
وبالصف الأفقي...اكتبي الأعمال اليومية زي:
سمعت كلام ماما وبابا...صليت ع الوقت...نمت بدري...كتبت واجباتي وحدي...مااتخاصمت مع أخواني...ماخربت البيت...جلست عاقل...ماخرجت بالشارع............الخ...
[فقط الأعضاء المسجلين والمفعلين يمكنهم رؤية الوصلات]
وانتي اختاري الأشياء اللي مبهدلينك فيها أطفالك ولايسمعوا كلامك...
هاتي أقلام ملونة وحلوة مثلا اللي فيها جليتر...واحد فوشي وواحد برتقالي...
ابدأي معاهم من السبت...
اللي يسوي الشي صح...تحطيله شكل وجه يضحك كذا:cool: باللون البرتقالي
واللي مايسويها تحطيلو وجه عابس :eek:
... بنفس الخانة...باللون الفوشي...وتفهميهم انك ماراح تجلسي طول اليوم تفكريهم بالجدول...كل واحد يراقب تصرفاته..
[فقط الأعضاء المسجلين والمفعلين يمكنهم رؤية الوصلات]
وحطي الجدول بمكان واااضح مثلااا ( علقيه بأشكال المغناطيس الجذابه على ثلاجة المطبخ )
وآخر كل اسبوع...اجمعوا النتايج...واللي ياخذ أعلى علامات كذا ...
هو اللي ياخذ الجائزة...وخللي أخوانه هم اللي يقدموها له....و يصفقوا له ويبوسوه عشان تعوديهم ع التنافس الايجابي وتشيلي من قلبهم احساس الغيرة والحسد...وقوليلهم...يللا مين يبغى يفوز الاسبوع الجااااي؟؟؟
أكيد كل واحد يقول أنا...وراح يتشجعوا أكثر وأكثر ويلتزموا بالجدول...
ولما يكبروا يتعودوا على هذا المبدأ...ان مو مشكلة لو خسرت هذي المرة..بس راح أشد حيلي وأفوز المرة اللي بعدها...وانو مافي احد أحسن من أحد كل واحد واجتهاده...بالعكس اللي يفوز نحبه ونقدره...لأنه انسان ناجح...
[فقط الأعضاء المسجلين والمفعلين يمكنهم رؤية الوصلات]
وعشان تحمسيهم جيبي الهدية من بداية الاسبوع وغلفيها...وخليهم يشوفوها وهي مغلفة من بداية الاسبوع...
وقوليلهم اللي يفوز هذا الاسبوع ياخذ هذي الجائزة...وحطيها بمكان واضح بغرفتك...أو بغرفتهم اذا تضمني مايفتحوها....عشان كل يوم يشوفوها وماينسوا ويتشجعوا أكثر...
؛
؛
طبعا" أنا حطيت الموضوع هذا مو بس للامهات .. حتى احنا البنات ممكن نستخدم هذي الطريقه مع أطفال العائله مثل مع أخوانا الصغار أو اولاد أخواتنا وخواتنا .. المهم مع الاطفال الشقيين
أتمنى انكم استفدتو من الموضوع ..واستمتعوا بقراءته
ولكم خالـــــــــــــــــــــــص حبي وتقديري:D

[نهر الورد]

والله فكرة حلوة

يسلمووووووووو على النقل الرائع والمفيد

لا تحرمينا من جديدك

دمت بود

نهر الورد

[حنين التراب]

والله عن جد فكره حلوه
يبي الي اقول الى خواتي
يسلمو حبيبتي
ربي يخليك
رعاك المولى

[بلسم جروحي]

والله فكرة حلوة

يسلمووووووووو على النقل الرائع والمفيد

لا تحرمينا من جديدك

دمت بود

نهر الورد

سلمك الله عزيزتي نهر الورد..شاكرة لك مرورك العطر..وان شاء الله ماتكون عندكم اطفال شقيه تزعجك:D
تحياتي لمرورك

والله عن جد فكره حلوه
يبي الي اقول الى خواتي
يسلمو حبيبتي
ربي يخليك
رعاك المولى


هلا والله عزيزتي حنين نورت الصفحه بمرورك العطر
خلاص انت طبقي ..وقولي لي النتيجه اوكيه:cool:
لاتحرمينا من مرورك الدائم عزيزتي حنين
دمتي بود

[المصونه]

تسلمي على الموضوع الرائع

عندي وحده من بنات اخوي شريه مشاغبه بكل معني

تشيب الراس تمرض الواحد من شطانتها

الكن الحين ابوها يتبع معها نفس دي الطريقه

بس هو مسوي جدول فيه ايام الاسبوع

كل يوم يكون سلوكها كله صح يحط اليها نجمه

اخر الاسبوع إذ كان عندها خمس نجمات يعطيها هديه

وإذ كانت اقل بس يوريها الهديه

الهدايا يروح معها السوق ويخليها تختار كل الي تبيه

لكن ما يعطيها شي يعلقهم على المكتبه منشان تشوفهم

وتحسن سلوكها اني احس من اتبع معها ابوها هدا الاسلوب

صارت افضل بواجد من قبل

اليوم مسكينه رحت معها سوبر ماركت اشتريت اليها الي تحبه

وكان من طمنهم بيضه كندر رجعنا طربت اختها عاقبتها

اخدة البيضه قلت اليها انتي ما تستاهلين بعطيها اختج صارت مؤدبه

كل شوي تجي تقول عمه اني اسفه لكن ما بعطيها الى بكره الصبح

الاطفال يبي اليهم صبر الله يعين الامهات عليهم

لك مني ارق تحيه محملة بعبق الزهور

اختك / المصونة

[بلسم جروحي]

تسلمي على الموضوع الرائع

عندي وحده من بنات اخوي شريه مشاغبه بكل معني

تشيب الراس تمرض الواحد من شطانتها

الكن الحين ابوها يتبع معها نفس دي الطريقه

بس هو مسوي جدول فيه ايام الاسبوع

كل يوم يكون سلوكها كله صح يحط اليها نجمه

اخر الاسبوع إذ كان عندها خمس نجمات يعطيها هديه

وإذ كانت اقل بس يوريها الهديه

الهدايا يروح معها السوق ويخليها تختار كل الي تبيه

لكن ما يعطيها شي يعلقهم على المكتبه منشان تشوفهم

وتحسن سلوكها اني احس من اتبع معها ابوها هدا الاسلوب

صارت افضل بواجد من قبل

اليوم مسكينه رحت معها سوبر ماركت اشتريت اليها الي تحبه

وكان من طمنهم بيضه كندر رجعنا طربت اختها عاقبتها

اخدة البيضه قلت اليها انتي ما تستاهلين بعطيها اختج صارت مؤدبه

كل شوي تجي تقول عمه اني اسفه لكن ما بعطيها الى بكره الصبح

الاطفال يبي اليهم صبر الله يعين الامهات عليهم

لك مني ارق تحيه محملة بعبق الزهور

اختك / المصونة



يحليلها بنت اخوك الله يحفظها ويخليها ويهديها يارب العالمين...راااائع جدا" اسلوب اخوك معاها..واسلوبك كمان عجبني كثييييير ..براااااااافو عليك المصونه:rolleyes:
اشكر مرورك وتعقيبك اللي بسطني كثيييييييير وماننحرم من ردودك وتواجدك الدائم معنا
تحياتي لك يالغلا

[زهرة الأوركيد]

مشكوره ياالغلا على الموضوع عجبتني الفكره عدل
اد جبت اولاد بسوي لهم كده
تحياتي
زهرة الأوركيد

[خادمة العترة الطاهرة]

اللهم صلي على محمد وآل محمد

فعلا طريقه حلوووووووووووه ورووووووووووووووعه

بس ان شا ءالله ما احتاج استعملها لطفالي في المستقبل هههه

حماتي الصغير شقيه وعنيده جدا جدا مجننه اهلها ومجننتني بعد

بستخدم هالطريقه معها بس ما معها احد للتنافس بس ان شاء الله تنفع معها لا نها حيل عنيدة جدا

جزاك الله الف خير حبيبتي ببلسم جروحي

[ملاك الرحمة]

يا عيني عليج وعلى موضوعج هذا ،، والله فكر حلوة الواحد يستخدمها مع الأطفال النحيسة اللي ماتسمع كلام ،، أنا عن نفسي بنقلهم حق خواتي عشان يستفيدوا ،،

ومشكورة والف شكر على الطرح الرائع والمفيد والممتع في نفس الوقت.

[بلسم جروحي]

زهرة الاوركيد هلا وغلا فيك عمري بصفحتي المتواضعه وان شاء الله تجيبين توأم وتسوي لهم كذا قولي يارب
تحياتي لك يالغلا


خادمة العترة الطاهره أهلا" وسهلا" نورتي القسم عزيزتي ..الله يساعدكم على حماتك الصغيرونه
يللا جربو معاها هذي الطريقه وان شاء الله تجدي بالنفع
تسلمين عزيزتي على المرور وخلينا دوم نشوفك ونشوف موضوعاتك المتميزة معنا
تحياتي لك

ملوك حبيبة قلبي هلا وغلا بالغلا كله..نور قسم الطفل وازداد تألق بمرورك العطر
حياتي انبسطت بمرورك والحمد لله نال الموضوع على اعجابك..ملوكي خلاص طبقي الطريقه هذي على زنوبه
أخت سارونه وبشريني بالأوضاع هههههه
أنا اللي اشكرك جزيل الشكر لتشريفك هنا ..دمتي بالف الف خير

[حبي الزهراء]

ما شاء الله

[العذراء الطاهرة]

خخ الطريقة حلوة بس جربتها نفعت مع البنوتة زهراء ام علاوي ها حامض على بوزك عنيد وراسه يابس ما ينفع معاه خخ الا العين الحمرة زي ما يقول اهلنا