طبق اليوم <<الطبخ نفس>> للشيف tktoka313

[tktoka313]

السلام عليكم ورحمة الله وبركاته

طبعا لا أحد يخاف لأني ماراح أنافس أحد مهما كنت يبيلي مشوار طويل حتى أوصل لمستوا الطباخات السنعات في هالمنتدى

وبما إني فتاة لم يعلمها أحد الطبخ
وتعلمت بنفسها القليل من مهاراته
وذلك بفضل الحكمة التي أعتز بها في كل طبخة
وهي :
الطبخ نفس

يعني كل اللي بنفسي فيه أجمعه في قدر أو مقلاة وبالنهاية رح يكون أكله فيها كل اللي نفسك تاكله

إذاً الناتج طبخه من اللي يحبها قلبك

فأنا دائما أستوحي فكره الطبخ بعد تجميع المكونات من كل حدب وصوب من المطبخ
وأطبخها على طريقة الطبخ نفس (حكمة رائعة)

المهم لا أطول عليكم الموضوع

فكرة الموضوع هي إني رح أخلي لكم كل طبخه أطبخها من ناتج وحي خيالي ونفسي

واللي يحب يجرب خل يجرب

بس للعلم أنا كل أكلاتي صحية لأني أعتمد على التغذية + النفس = طبخه سنعه:o


وكل يوم أو كل كم يوم لما أسوي طبخه رح أخليها في هالموضوع

واللي يحب يسجل متابعه خل يسجل عشان أعرف على الأقل إنه في احد متابع الموضوع

بس عندي نصيحة أخيره وهي جرب الأكله قبل لا تحكم عليها
لأني كل ما أطبخ ينتقدوني وبعد التذوق يحبونها

ملاجظة مو شرط التقيد بالمواصفات بل تفنني عزيزتي بنفسك وطبخاتك (اللي يسمع رح يقول الإخت رح تخلي أكلات راهية)

<<<<يتبع>>>>

[tktoka313]

طبعاً اليوم رح أخلي لكم وش سويت فطور
((وبما إني تخصصي بيض)) وأعتمد على توفر العناصر الغذائية اللازمة

فالطبخه خل نسميها
بيض بالأعشاب أو بالزعتر والجبن

المكونات:
بيض (مجموعه اللحوم)
زعتر (اللي معاه سمسم وما أدري شنو مو الزعتر الخالي)(أعشاب)
قليل من النعناع(أعشاب)
جبنة(مجموعه الحليب)
زيت للقلي
خبز (مجموعة النشويات على ما أعتقد)
طماطم صغيره (من مجموعة الخضار)
ملح وفلفل أسود على حسب الرغبة

الطريقة:

ضعي البيض في وعاء واخفقيه ثم أضيفي ماتشائين من الزعتر حسب الرغبة أنا أفضل مقدار ملعقة طعام لكل بيضه ورشي عليه قليل من النعناع ثم ضعي الجبنة (أي نوع تفضلينه على حسب الرغبة) وقطعي الطماطم قطع صغيره وضعيها فوق البيض واخلطي المزيج جيداً
ولا تنسي الملح والفلفل الأسود

ثم سخني المقلاة وضعي الزيت وحركي الزيت إلى أن لا يبقى مكان في المقلاة ناشف
ثم صبي المزيج ولكن لا تحركيه بل اتركيه يخطي سطح المقلاه كلها وإلى أن يتماسك قليلا إقلبي البيض الذي أصبح قطعه واحده واجعليه يستوي من الجانبين
ثم ضعيه في صحن وكليه مع الخبز وبالهناء والعافية

ولا تنسي بعد الإنتهاء أن تأكلي حبه من الفاكهة أو بعض من التمر أو شرب عصير فاكهة طبيعي (مجموعة الفواكة)

ولا تنسي حبيبتي شرب الماء لأنه مفيد للصحه
ولا تشربي الشاي أو القهوة مباشرةً أو مع الإفطار لأنه يحتوي على مادة الكافيين فهذه المادة تمنع من امتصاص الجسم للكالسيوم بل اشربي الشاي من بعد مرور وقت كافي أي مايقارب الساعة


ملاحظة بإمكانك تناول الجبن مع البيض إن كنتي لاتفضلي طبخه معه

(والله الأكله طيبة كان كل اللي بالبيت مو عاجبتهم بس بعد ماتذوقوها أدمنو عليها)


(ولا تنسو الطبخ نفس وم شرط تتقيدي بكل اللي موجود وبإمكنك إضافة مكونات بديله المهم انه يشمل المكونات الأساسية للطعام)

إن شاء الله تعجبكم:o

[tktoka313]

نسيت أقول لكم اللي تحب الليمون مع البيض خل تخليه عادي



(الطبخ نفس) :rolleyes:

[سما]

تسلم ايديك على الطبخة السنعة خلاص باجربها شكلها لذيذة

ذكرتيني يوم كنا في الشقة كانت معانا وحده من البنات تتفنن في طبخات

البيض كل يوم تسوي لينا طبخة جديدة على بيض ....الله يذكرها بالخير

انشاءالله من طبخات البيض لين تصيري شيف تكتوكا بس تخصص اكلات بيض

مشكووورة عزيزتي على الطبخة الحلوة



تحياااااااااتي لك

[غموض]

ماشاء الله عليك ياتكتوكه اسم على مسمى>>>>>ليش قالو لك اسمها شيفه حلو شيفه


تحياتــــــــــى
غموض:o

[tktoka313]

تسلم ايديك على الطبخة السنعة خلاص باجربها شكلها لذيذة

ذكرتيني يوم كنا في الشقة كانت معانا وحده من البنات تتفنن في طبخات

البيض كل يوم تسوي لينا طبخة جديدة على بيض ....الله يذكرها بالخير

انشاءالله من طبخات البيض لين تصيري شيف تكتوكا بس تخصص اكلات بيض

مشكووورة عزيزتي على الطبخة الحلوة



تحياااااااااتي لك
الله يسلمك حبيبتي سما كلك ذوق وان شاء الله تعجبج طبختي
الحمدلله ما طلعت بروحي تخصص بيض في ناس مثلي أقول ما سألتي الإخت تقربلي شي أو من نفس الفصيله (أقصد فصيلة الدم أو من هذا القبيل)
الله يسمع منج وأصير شيف بس إذا سويتو مسابقة للطبخ أنا سولولي مسابقة بروحي لأن مافي منافس معي على البيض خخخخخخ

[tktoka313]

ماشاء الله عليك ياتكتوكه اسم على مسمى>>>>>ليش قالو لك اسمها شيفه حلو شيفه


تحياتــــــــــى
غموض:o
أولا : شكرا حبيبتي على المرور الكريم
ثانيا : مافهمت منج عاجبتك الطبخه ماعاجبتك
ثالثاً : أنا تكتوكه وبالمستقبل بصير شيف تكتوكه (تخصص بيض خخخخخخ) فلا تعلقين علي وتقولي شيفه
احنا عندنا كلمه شيفة مو حلوة ما أدري شنو عندكم لها معنه ولا لأ
أدري تعلقين علي بدافع الإنتقام وأخذ الثار
زلة لسان دفع ابها عمره على قولتج:mad:
خلاص قلنا لك انتي حلوة بعدج تبين تنتقمين مني
فوق ماجبتيلي الجلطه وموتيني في الفلم جايه هني بمطبخي تقوليلي شيفه:eek:

الله يسامحج;)

[×?° انوار المحبه ×?°]

×?°تكتوكه×?°

ألف شكر لكى على ماقدمته

لاعدمنـا جديدك الرائع

كــونى دومــا بخير

لك خالص مودتي وتقديري


[فقط الأعضاء المسجلين والمفعلين يمكنهم رؤية الوصلات]

[tktoka313]

×?°تكتوكه×?°

ألف شكر لكى على ماقدمته

لاعدمنـا جديدك الرائع

كــونى دومــا بخير

لك خالص مودتي وتقديري


[فقط الأعضاء المسجلين والمفعلين يمكنهم رؤية الوصلات]
العفو حبيبتي والله يعطيج العافيه على المرور المتألق في ردودك حبيبتي بنوتة ناعمة

[بنت الطاهرة]

فكرة جميلة عزيزتي
وانا متاكدة انا شيفه مهارة بس ماتبغى تقولي
خايفة من الحسد ههههههه
على فكرة انا نفسي ما اعرف اطبخ هههه
بس هذة حركات على خفيف الا احطها اليكم ..,,,
وان شاء الله بتابع موضوعش اول بأول ,,...

[tktoka313]

فكرة جميلة عزيزتي
وانا متاكدة انا شيفه مهارة بس ماتبغى تقولي
خايفة من الحسد ههههههه
على فكرة انا نفسي ما اعرف اطبخ هههه
بس هذة حركات على خفيف الا احطها اليكم ..,,,
وان شاء الله بتابع موضوعش اول بأول ,,...
تسلمي حبيبتي بنت الطاهرة وبصراحه منكك استوحيت اني اخلي طبخاتي
بس تبين الصراحه طبخاتج حلوة ومو معقده يعني بسيطه
أما بالنسبة لي فطبخاتي حق العزوبيه هي اللي على الماشي وتكون خفيفة وسريعه بس أهم شي (الطبخ نفس)
بس تدرين رح أحاول أجرب من اليوم طبخات رئيسية للمستقبل وأحاول اتفنن في الطبخ بس على طريقة الطبخ نفس وإذا فلحت بطبخه وطلعت طيبة رح أخليها لكم

بس إذا قلتيلي في عزيمة ماراح أعرف أسوي شي رح اتوهق وش اسوي لهم بيض ولا ذرة:o وسلطة
بس انتي رح تقدري لانك تخصص وجبات رئيسية

[بنت الطاهرة]

اشك في نفسي اني اقدر اسوي عزيمة هههه
يعني اشياء ثانية ممكن ,,,....
tktoka313 عندك اصرار قوي على تعلم الطبخ ,,...

[tktoka313]

بصراحه من ناحية اصرار عندي اصرار
تسلمي حبيبتي بنت الطاهرة على التواصل

[tktoka313]

بس أكلة اليوم مكوناتها كثير

طبق اليوم

ذرة بالنقانق والمشروم والجبنة

المكونات
1 اصبع نقانق او2
مشروم مقطع شرائح (مشروم معلب)
ذرة مجمدة
جبنة شيدر (هي الأنسب)
زيتون شرائح
ملح+فلفل اسود
عصرة نصف ليمون
ماء
قليل من الزيت
نصف ملعقة زبده
1 توست
رشه نعناع


طريقة الاعداد
تقطع النقانق والتوست قطع صغيره بحجم حبه الذرة أو شريحه الزيتون والنقاتق نقطعها بشكل أصغر ان امكن

طريقة الطبخ
نضع المقلاة على النار إلى ان تنشف ثم نضع قليل من الزيت نقلي المشروم مع الخبر والنقانق إلى أن تتحمر جميع المكونات
ثم نتخلص من الزيت ونخرج المكونات من المقلاه ونضع قليل الماء ونضع الذره المجمده واحرصي على ان يكون الماء بنفس مستوى الذره أي لا يكون قليل ولا كثير وعندما يبدء الماء يسخن نضع باقي المكونات من زيتون والمشروم والتوست والنقانق وجبنة الشيدر ونضع الملح والفلفل الاسود والنعناع والزبده وقلبي المزيج إلى أن يجف الماء ثم ضعيه في صحن وكليه في الملعقة وهو ساخن

وتناوليه مع عصير فاكهة أو حبة فاكهة لتكتمل لديك المجموعه الغذائية في وجبتك



إن شاء الله تعجبكم (لا تنسوا الطبخ نفس)يعني إذا شي ماتحبينه أو تحبين إضافة شي ثاني فهذا على حسب ذوق
لأن الأذواق ما تتشابه وكل شخص له ذوقه الخاص

[بنت الطاهرة]

الطبخ نفس
وصفة لذيذة رغم ان في اشياء
ما احبها في المقادير
لكني بجربها يمكن تعجبني في هذة الطبخة ...
تسلمي عزيزتي

[tktoka313]

عشان جذي قلت الطبخ نفس عندج زوجة أخوي ماتحب المشروم ولا النقانق فلما أسويها ماتكلها معاي بس مرات أسويها من غير نقانق وتوست لانه مو دايما متوفر في الثلاجة بس تطلع طيبة

[tktoka313]

هلا شلونكم شخباركم صج طولت وايد عليكم بس لأن صج بالفتره الأخيره ما طبخت شي يستحق الذكر بس أمس طبخت طبخة أول مره أسويها بحياتي بس طلعت طيبه المهم بخليكم مع الأكلة <<< طبعاً الاكلة من إبتكاراتي :o

طبق اليوم

المقادير

كوب لحم مقطع قطع صغيره أكبر من قطع الشاورما قليلاً أو تكون ضعف الحجم
فص ثوم
بصله صغيره أو متوسطة الحجم
ملح حسب الرغبة
بهارات قيمة<<< بهارات تكون جاهزة وخاصة لأكله إسمها القيمة ما أدري إذا تعرفونها ولا لأ
فليفله=فلفل رومي حبه صغيره
حبة طماطم متوسطة الحجم
نصف ليمونة اللي يكون ليمون أصفر كبير
ماء
ملعقة كبيره معجون طماطم
قليل من زيت الزيتون

الطريقة
طبعاً كل المكونات تقطع مربعات أو قطع صغيره وغسلها جيداً قبل البدء بالطبخ
اللحم والثوم والبصل والبهارات حقة القيمة والملح تخلط مع بعض وتعصر نصف الليمونه فوقها وثم تقطع مربعات صغيره وتوضع معاهم <<<< ترا طعم قشر الليمون طيب وهم مفيد بعد
وثم تغطيه وتخليه في الثلاجه ربع ساعه أو ثلث ساعه
ضعي المقلاة كبيرة أو قدر صغير على النار ثم أضيفي كوب ماء حتى يسخن قليلا ثم ضعي الطبق اللي في الثلاجه كله على النار ليغلي لدقائق معدوده حتى يتغير لون اللحم يعني مايبين في لحم بعده طازج ولونه أحمر وبعدها أضيفي قليل من زيت الزيتون وباقي المكونات من طماطم وفلفل رومي ومعجون الطماطم وحركيه قليلاً وبعدها أضيفي الماء إلى أن تتغطى المكونات جميعها وثم غطيه وخليه على النار وكل كم دقيقة تفقديه لا ينشف الماء وإن حسيتي الماي نشف واللحم بعده ما استوى زيدي عليه شوي ماي إلى أن يستوي اللحم وينشف الماء ولكن ليس كثيراً يعني مانبي يصير مرق ولا ناشف وايد نبيه يصير ثخين يعني يكون مثل الصلصة

وان شاء الله تعجبكم الأكلة;)
هذه صورة الأكلة صورتها لكم قبل لا آكلها بس وانا أسوي فيها نسيت أصورها :o

[فقط الأعضاء المسجلين والمفعلين يمكنهم رؤية الوصلات]

[غموض]

تسلمي ياعمري يالشيفه ( اي يالمعفنه هع هع ) ما عدمناك حبيبتى وماعدمنا شيافتك >>> حطيها بالقاموس شيافتك هع هع وربي يعطيك العافيه ياعمري

[tktoka313]

طبعا بخليها بقاموسي شيافتك بس انتي خلي بعد المشيفة في قاموسك
مشكورة حبيبتي غموضه المشيفة على المرور المشيف مثل شيفتك <<<<<< خخخخخخخخخخ أمزح

وننتظر زيارة لك في إن شاء الله في طبخاتي الجديدة

[سما]

ماشاءالله اشوف تكتوكا صايرة تطبخ

انشاءالله دووووم ونشوفك شيفة ماهرة :D

تسلم دياتك على الطبق الحلو ....



دمتي بود

[tktoka313]

الله يسلمك حبيبتي سما
شفتي الحرمان من البيض جاب نتايج وخلاني أطبخ
الله يسمع منك عشان إن جمعت شي 100 طبخه ولا شي أسوي لنفسي كتاب طبخ :o <<<<<<<<<<< تتوقعين طبخاتي تستحق [فقط الأعضاء المسجلين والمفعلين يمكنهم رؤية الوصلات] وبسميه الطبخ نفس للشيفة taki :cool:

واقعد استرزق بالكتاب أحسن من تجارة السياكل :cool:

[بنت الطاهرة]

اممممممممم
هذة اول طبخة تصوريها لنا من صنع يدك
ان شاء الله دوم
لاتحرمينا من الاكل الطيب ....

[tktoka313]

زين صورتها
كنت باكل والحمدلله قبل لا أبدي بالأكل تذكرت وقلت خل أصورها
كل مره آكل ومن أخلص أذكر إني نسيت أصورها

بس تدرين أتوقع إن أكثر شي خلاها تطلع طيبة البهارات الخاصة حق القيمة<<< لأن بصراحة أول مره أجرب هالبهارات في الأكل وضبطت معاي

[سما]

ليش مايستحق اهم شي نتائج الطبخة والحين الكل يبغى طبخات

سهلة عشان يريحوا حالهم ترى الناس مايقبلون الا على الكتب اللي

طبخها سهل وكتب الطبخ ماشي سوقها اتوقع احسن من تجارة السياكل

لان في ناس مايعرفوا يسوقوا سياكل اما الطباخين على افا من يشيل :o

الله يرزقك ياتكتوكا بس طبعا الاعضار ليهم الكتاب مجانا :cool:

[tktoka313]

إن شاء الله بوزع الكتاب مجاناً
بس ليش أوزعه وكل الأكلات اللي فيه في المنتدى بس معلش بوزعة مجاناً حق اللي يبيه <<< خل يخلص بالأول